“Sosial-iqtisadi inkişafı təmin etmək üçün ölkədə ilk növbədə kiçik sahibkarlığın dəstəklənməsi lazımdır. Bu həm məşğulluq problemini həll edəcək, həm yerli istehsalı artıracaq, həm də büdcəyə ödənişləri. Özünüməşğulluq proqramına ayrılan vəsiatlər azı 10 dəfə artırılmalıdır.
Bundan başqa, ƏDV-yə cəlb olunan dövriyyənin 200 mindən 400 minədək artırılması məcburi tələbdir, çünki manat 2 dəfədən çox ucuzlaşıb və əvvəlki 200 min hazırda 100 min manat dəyərindədir”.
Elchi.az xəbər verir ki, bu barədə iqtisadçı Elçin Bayramlı FB hesabında qeyd edib:
“ƏDV-ni 20 faizə qaldırmaq olar, qoy çox qazanan çox vergi versin. Orta və iri sahibkarlığı dəstəkləməyə ehtiyac yoxdur, onlar özlərini inkişaf etdirmək üçün müvafiq maliyyə imkanlarına malikdirlər, lakin kiçik sahibkarlıqda bu imkan yoxdur.
Sosial-iqtisadi inkişafına qarşısında ən böyük əngəl də gömrükdür. Gömrükdəki soyğunçuluğun və korrupsiyanın qarşısı alınmalıdır. Ölkəyə idxal olunan malların gömrükdə malın həqiqi dəyərinin 2 qatı səviyyəsində statistik dəyərləndirilməsinə son qoyulmalıdır, çünki 1000 manatlıq malı gömrük 2000 manatlıq kimi qeyd edir, rüsumu da 2 qat artıq almış olur, onsuz da gömrük rusumü az qala 40 faizə çatır ki bu da astronomik dərəcədir.
Vergi də faktiki 1000 manatlıq mala görə 2000 manatlıq malın vergisini tələb edir. Nəticədə həm idxalçılar itirdikləri vəsaitləri malın üzərinə qoub ölkədə süni bahalıq yaranmasına səbəb olurlar. Belə ki, xaricdən 1 manata alınan mal gömrükdən keçərkən 2 manata başa gəlir, vergidən sonra 3 manata, karqo və s. xərclərlə birgə 4 manata, idxalçı da 5 manata satır. Demək xaricdə 1 manata alınan mal ölkədə azı 5 manata satılmalıdır. 5 qat artığına! Bunun dünyada və tarixdə analoqu yoxdur.
Yəni, gömrük bu gün büdcəyə 5 manat artıq qazandırmaqla sabahkı 25 manatın qazanılmasını əngəlləyir. Üstəlik, ölkədə süni bahalıq yaranmasına səbəb olur.
Respublikaya istehsal avadanlıqlarının gətirilməsinə qanunla güzəşt var amma faktiki olaraq gömrükdən hər hansı bir dəzgahı pulsuz keçirmək mümkün deyil, qanunun bu tələbinə əməl edilməsi təmin olunsa ölkəyə xeyli istehsal avadanlıqları gətirilər və biz xaricə xammal yox daha çox hazır məhsul, ən azı yarılmfabrikatlar satıb dəfələrlə daha çox qazanarıq”.
Şayəstə
