Əfqanıstanın şimal əyalətlərindən olan Fəryabın Almar bölgəsində təşkil olunan intihar hücumunda 19 nəfər həyatını itirib, 33 nəfər isə yaralanıb.
Həmin bölgədən olan məmur Məhəmməd Salehin AA müxbirinə verdiyi açıqlamada intihar edən şəxsin öz üzərinə bağladığı bombanı bölgə mərkəzindən keçən təhlükəsizlik güclərinin konvoyuna yaxınlaşıb, daha sonra partlatdığını bildirib.
Hələ heç bir təşkilat bu hücumun məsuliyyətini öz üzərinə götürməyib. Terror aktı nəticəsində 5 polis də daxil olmaqla 19 nəfər həyatını itirib. Terrorçunun yaşlı bir şəxs olduğu bildirilib. Hücumda əksəriyyəti polis olmaqla, 33 nəfərin yaralandığı məlum olub.
Talibançıların Almardakı sonuncu qarşıdurmada uduzduqlarını dilə gətirən Məhəmməd Saleh bu səbəbdən də onların belə bir hücuma əl atdıqlarını qeyd edib.
Xəstəxanadan alınan məlumatlara görə, yaralıların vəziyyəti ağırdır.
“Taliban” Almardakı hücumla bağlı hələ heç bir açıqlama verməyib.
