Al Qaidənin Ərəb yarmadasındakı qruplaşması ötən həftə Parisdə Şarli Ebdu jurnalının redaksiyasına edilmiş hücuma görə cavabdehliyi üzərinə götürüb.
Bu qrupun baş düşərgəsi Yəməndə yerləşir.
Qeyd edək ki, ötən həftə Fransada törədilən hücumlarda ümumilikdə 17 nəfər ölüb.
Qrupun komandiri Nasir al Ansinin adından yayılan videoda bunla Məhəmməd Peyğəmbərin karikaturasını çap edən jurnaldan qisas alındığı bildirilir.
Jurnal dəfələrlə Məhəmməd Peyğəmbərin karikaturasını çap etdiyinə görə bundan əvvəl dəfələrlə xəbərdarlıq alıb.
