Bu gün Bakı-2015 Avropa Oyunlarında sərbəst güləşçilərin mübarizəsinə start verilib.
Musavat.com xəbər verir ki, yarışın ilk günündə 4 çəki dərəcəsinin qalibləri bəlli olacaq.
57 kq çəki dərəcəsində ölkəmizi təmsil edən Yaşar Əliyev mübarizəyə 1/8 finaldan başlayıb. Avropa çempionatının bürünc medalçısı ilk qarşılaşmasında fransalı Zoheir El Ouarraqe ilə münasibətinə aydınlıq gətirib. Həmyerlimiz rəqibini asanlıqla məğlub edib – 9:4.
Əliyev üçün 1/4 final qarşılaşması daha da prinsipial əhəmiyyət daşıyıb. Çünki bu görüş erməni idmançısı ilə olacaqdı. Erməni Qarik Barsekyanı sınağa çəkən Yaşar, rəqibini məyus etməyə nail oldu – 10:6.
Məhəmməd Türkmən
