Bazar günü Əmircanda törədilmiş cinayətin qatili Əbdülxalid Hacıməmməd oğlu hadisədən dərhal sonra öz yaxınları ilə məsləhətləşərək hadisənin baş verdiyi Suraxanı rayonundan qaçaraq yaxın qohumunun çalışdığı Səbail Rayon Polisinə təslim olmuşdur. Əbdülxaliqin yaxın qohumu yüksək rütbəli şəxs ifadələrin necə veriləcəyini qatilə başa salmışdı. Böhtan xarakterli ifadələr ölkə mətbuatında ildırım surəti ilə yayılıb. Onsuzda yas içində olan ailəyə bir zərbə də ölmüş və arxasında üç yetim körpə qoyub getmiş Vasif Ağaməmmədov haqqında yazılan yazılardan gəlmişdir. Hamı bilir ki, rəhmətlik arxasınca deyilən böhtanlara cavab verə bilməyəcək. Mərhumun anası, atası və yaxınları ölkə başçısına müraciət edərək xahiş edirlər ki, bu cinayəti törətmiş və arxasında yüksək çinli məmur dayanmış şəxsin əməllərinə hüquq müstəvisində düzgün qiymət verilsin. Məlumat üçün bildiririk ki, qatil Əbdülxalidin atası bir neçə dəfə narkotik vasitələrin satışına görə məhkum olunmuşdur. Hal-hazırda məhkum həyatı yaşayır. Hadisə heç də mətbuatda dərc olunmuş yanlış məlumat kimi deyil. Bir gün əvvəl mərhum Salyanda dindarların xeyir işində olub. Məclisdən sonra Bakıya gələrkən toy sahibi bacanağını da şəhərə aparmağı xahiş edib. Mərhumun Bakıya gətirdiyi ailə Əbdülxalidin qardaşı və “Başı bağlı” 6 aylıq hamilə yoldaşı olub. Bakıya birlikdə eyni qəsəbəyə gəliblər. Hadisə isə səhəri gün onun qardaşı tərəfindən törədilib. Bütün qəsəbədə qatilin yaxınları və qohumları danışırlar ki, cinayəti Əbdülxalid yox, onun mərhumla birlikdə Salyandan Bakıya gələn qardaşı törədib. Lakin onların “Baş bilənləri” cinayəti subay qardaşın boynuna götürməsini məsləhət görüblər. Qatil ifadəsində bildirib ki, hadisə namus üstündə baş verib. Guya mərhum yolda güzgüdən qatilin qardaşının, tamamilə qapanmış altı aylıq hamilə yoldaşına baxıb…
Əbdülxalidin Bülbülədən olan yaxın qohumları danışırlar ki, onun qardaşı Cavid bir neçə ay bundan əvvəl terror təşkilatı İŞİD-ə qoşulmaq üçün xanımıyla birlikdə Suriyaya getməyə hazırlaşırmış. Lakin yoldaşı hamilə olduğu üçün səfər təxirə salınıb. Dəqiq araşdırılsa aydın olacaq ki, bu qətlin arxasında qatilin dediyi kimi “Namus” yox, başqa məqamlar dayanır…
Namusdan danışan bir qatil cəzasının yüngül olması üçün qardaşının namusunu mətbuat və küçə mövzusuna döndərib.
