Türkiyə Avropaya İŞİD üzvlərini düşünülmüş şəkildə göndərir.

Axar.az “İndependent” qəzetinə istinadən xəbər verir ki, bunu İordaniya kralı Abdulla yanvarın 11-də ABŞ Konqresində çıxışı zamanı söyləyib. Sonradan bu çıxışın yayılmasına bir müddətlik qadağa qoyulmasına baxmayaraq, qəzet onu əldə etməyi bacarıb. Məhz bu çıxışında Abdulla AB-Türkiyə razılaşmasının əleyhdarı olduğunu bildirib:

“Türkiyə Avropaya terrorçu hazırlayıb göndərir. Üstəlik, Türkiyənin İŞİD-dən neft alınması məsələsində də iştirak edir. Bu, Türkiyə siyasətinin bir hissəsidir. Türkiyə və İordaniya rəsmən müttəfiq olsalar da, miqrant böhranı onların münasibətlərini pozub. Biz Türkiyə ilə Avropa Birliyi arasında olan razılaşmanın əleyhinəyik”.

Qeyd edək ki, Suriya böhranı nəticəsində ölkədən axın edənlərin sayı artıb. Onların böyük bir hissəsi Türkiyədə yerləşib. İordaniya da daha çox Suriya qaçqını qəbul edən ölkələr sırasındadır. Məhz bu qaçqınlar sayəsində İordaniya iqtisadi çətinliklər yaşayır.