Türkiyənin Qars şəhərində ümummilli lideri Heydər Əliyevin adını daşıyan sənaye liseyinin açılışı keçirilir.
ANS PRESS-in məlumatına görə, açılış mərasimində prezident İlham Əliyev, Türkiyə prezidenti Rəcəb Tayyib Ərdoğan və Gürcüstan prezidenti Georgi Marqvelaşvili iştirak edir.
R.T.Ərdoğan mərasimdə geniş nitqlə çıxış edib. O bildirib ki, bu sənaye lisey 424 şagirdə xidmət edəcək. “Lisey idman salonu, laboratoriya, pansionu və sairə ilə təhciz edilib. Burada nümunəvi bir təhsil ocağı kimi görürəm. Bu lisey Azərbaycanla münasibətlərimizin səmini bir simvoludur. Məktəbin açılışında əməyi olan hər kəsə təşəkkür edirəm. Bu məktəbin Qarsda inşaasını kömək edən İlham Əliyevə təşəkkür edirəm”.
Prezident qeyd edib ki, Türkiyə-Azərbayacan dostluğuna olan xidmətlərini daima hörmətlə yad etdiyimiz Heydər Əliyevin irsini ölkəmizin hər bucağında yaşadırıq.
“TANAP Türkiyə-Azərbayacan-Gürcüstanla yanaşı bütün ölkələrə xeyirli olmasını arzu edirəm. Novruz bayramınızı təbrik edirəm. İlaxır çərşənbənizi təbrik edirəm. Bu bayram Azərbaycanda çoşğulu günü olaraq qeyd edilir. Bu gecə vəsiləsilə oxunan duaları, xeyirli işlərin qəbul edilməsini arzu edirəm. Azərbaycan başda olmaqla Orta Asiyadan balkanlara qədər bu 5 minlik bayramın birliyimizə vəsilə olmasını arzu edirəm. Novruzun bütün dünyada barış və hüzurun xəbərcisi olmasını diləyirəm”, – deyə R.T.Ərdoğan söyləyib.
