Zəlzələ bölgələrinə səfərlərini davam etdirən prezident Rəcəb Tayyib Ərdoğan Kilisdəki xəstəxanada müalicə alan zəlzələ qurbanlarını ziyarət edib, onlara şəfa diləyib.
Elchi.az Türkiyə mediasına istinadən xəbər verir ki, dövlət başçısı Kahramanmaraşda baş verən dəhşətli fəlakətdən zərərçəkən bütün vətəndaşlara yardımlar göstəriləcəyini bildirib.
“Bu coğrafiyanın tarixdə görmədiyi ən böyük zəlzələ fəlakəti ilə üzləşdik. Kilis də bu fəlakətdən zərər çəkən şəhərlərimizdən biridir. Təəssüf ki, çox ciddi ölüm sayı var.
10 şəhərdəki vətəndaşlarımıza bir daha tez sağalmağı arzu edirəm. Həyatını itirən bütün vətəndaşlarımıza Allahdan rəhmət, yaxınlarına isə səbr diləyirəm. Zəlzələ anından 10 əyalətimizdə qurumlarımız yerləşdi və lazım olan hər şeyi etdi. Ancaq zəlzələnin 13,5 milyon insanın yaşadığı 500 kilometrlik əraziyə təsirli etməsi təqdir etdiyiniz kimi, işimizi çətinləşdirdi. Buna baxmayaraq, dövlətimiz bütün qurumları ilə birlikdə fəlakət bölgəsində axtarış-xilasetmə və yardım işlərinə sürətlə başladı.
Heç bir vətəndaşımızı nəzarətsiz qoymayacağıq. TOKİ vasitəsilə 1 il ərzində evlər tikəcəyik. Əvvəlcə dağılmış şəhərlərimizi dağıntılardan təmizləyəcəyik. Biz podratçı şirkətlərin burada tikintilərə başlamasını təmin edəcəyik”, – dövlət başçısı qeyd edib.
