Türkiyə Prezidenti Rəcəb Tayyib Ərdoğan ötən günlərdə İngiltərə mətbuatına verdiyi müsahibədə S-400-lərin alınmasını tənqid edən müxalif Cümhuriyyət Xalq Partiyasının sədri Kamal Kılıçdaroğlunun ünvanına çox sərt sözlər işlədib.
Elchi.az “Haberler.com”a istinadən bildirir ki, Ərdoğan “Kimsə Yunanıstanda ordunun güclənməsinə baxmayaraq, müdafiə sənayesindəki nailiyyətlərimizi hələ də tənqid edirsə, bu o deməkdir ki, onlar strateji uzaqgörənliyini itiriblər” sözlərini deyib:
“Türkiyənin müdafiə sənayesini xarici mətbuata şikayət edənlərə sadəcə yazığımız gəlir!”.
Qeyd edək ki, CHP sədri Kamal Kılıçdaroğlu bu yaxınlarda BBC-yə verdiyi müsahibədə Türkiyənin S-400 alması ilə bağlı açıqlamalar verib: “Gedib S-400 aldılar. Sual verdim kimə qarşı istifadə edəcəksən? Bundan Yunanıstana qarşı istifadə edəcəksiniz?. Rusiyaya qarşı istifadə edəcəksiniz? Onsuz da sənə silahı verən rusdur. Niyə almısan, nəyə almısan, nəyə ödəmisən? Bu sualın cavabını hələlik almamışıq”.
Yeganə
