Prezident Rəcəb Tayyib Ərdoğan Vilnüsdə keçiriləcək NATO Dövlət və Hökumət Başçıları Zirvə toplantısında iştirak etmək üçün Litva Respublikasına səfər edəcək.
Elchi.az xəbər verir ki, Rəyasət Heyətinin Kommunikasiyalar Müdirliyindən verilən məlumata görə, prezident Ərdoğan paytaxt Vilnüsdə keçiriləcək NATO Dövlət və Hökumət Başçıları Zirvə toplantısında iştirak etmək üçün 10-12 iyul tarixlərində Litva Respublikasına səfər edəcək .
Sammitdə Ukraynadakı müharibə, eləcə də NATO coğrafiyasına qarşı çağırışlar barədə strateji səviyyədə fikir mübadiləsi aparılacaq. Sammitdə Alyansın müdafiə strukturunun gücləndirilməsi və NATO tərəfindən müəyyən edilən əsas təhdidlər, ilk növbədə, bütün forma və təzahürlərdə terrorizm qarşısında çəkindirmə planları müzakirə olunacaq.
Prezident Rəcəb Tayyib Ərdoğanın bu münasibətlə sammitdə iştirak edən həmkarları ilə ikitərəfli görüşlər keçirməsi də nəzərdə tutulur.
Nuranə Məmmədova
