Türkiyənin xarici işlər naziri Hakan Fidan avqustun 25-də Ukraynaya gedəcək.
Elchi.az xəbər verir ki, bu barədə “Haber Global” məlumat yayıb.
Bildirilib ki, o, həmkarı Dmitro Kuleba ilə görüşəcək.
Nazirlərin Ukraynadakı müharibəni, o cümlədən “Taxıl sazişi”nin perspektivini müzakirə edəcəkləri gözlənilir.
H.Fidanın yaxın günlərdə Rusiyaya gedəcəyi də proqnozlaşdırılır.
Qeyd edək ki, Türkiyə mətbuatı bu gün həmçinin Türkiyə Prezidenti Rəcəb Tayyib Ərdoğanın yaxın günlərdə Rusiyaya səfər edəcəyini və Vladimir Putinlə taxıl sazişini müzakirə edəcəyini bildirib.
