Türkiyənin dünya sisteminin yüksək liqasına yüksəlmək üçün tarixi fürsəti var. Elchi.az TASS-a istinadən xəbər verir ki, bu barədə Türkiyə prezidenti Rəcəb Tayyib Ərdoğan danışıb.
“Biz ölkəmiz üçün açılan tarixi fürsət pəncərəsindən istifadə etmək əzmindəyik. Əsrlər sonra Türkiyənin dünya sisteminin ən yüksək liqasına yüksəlmək imkanı var”, – deyə siyasətçi xalq qarşısında çıxışında bildirib.
Bundan əvvəl Türkiyə prezidentinin administrasiyasındakı mənbə bildirib ki, Rəcəb Tayyib Ərdoğan Rusiya prezidenti Vladimir Putinlə avqusta planlaşdırılan danışıqlar zamanı Ukrayna üzrə sülh danışıqlarının bərpasını təklif etmək niyyətindədir. Qeyd olunur ki, siyasətçi Putinə Ukrayna münaqişəsinin həllində vasitəçilik təklif etməyi planlaşdırır.
Havar Şəfiyeva
