Fransa polisi erməni əsilli amerikalı ulduz Kim Kardaşyanın qarət edilməsi ilə əlaqədar 15 nəfəri saxlayıb.
“Europe 1 xəbər verir ki, şübhəlilərin saxlanılması üzrə əməliyyat yerli vaxtla 06:00 (Bakı vaxtı ilə 09:00) başlayıb.
Qeyd edək ki, ötən ilin oktyabrın 5-də silahlılar Kim Kardaşyanı girov götürərək qarət ediblər. Hadisə gecə saatlarında Kardaşyanın qaldığı oteldə baş verib. Qadının 5-6 milyon avro dəyərində zinət əşyalarının qoyulduğu qutu və qiyməti 4 milyon avro olan üzüyü oğurlanıb. Qarətçilər, həmçinin onun iki mobil telefonunu aparıblar.
Basqında polis forması geyinmiş beş maskalı şəxsin iştirak etdiyi deyilirdi.
