“Paşinyan 49 itkini açıqlasa da, erməni mənbələrinin məlumatları bunun dəfələrlə çox olduğunu deməyə əsas verir. Təkcə Zod və Yuxarı Şorca istiqamətində erməni hərbçiləri arasında 43 yaralı var. Bu barədə Geqarnik bölgəsinin qubernatoru Karen Sarkisyan deyib. Onun sözlərinə görə, 15:00-16:00 arası olan məlumata görə, 43 yaralı, 4 itki qeydə alınıb”.
Elchi.az xəbər verir ki, bu barədə siyasi şərhçi Asif Nərimanlı FB hesabında bildirib:
“Karen Sarkisyan özü də etiraf edir ki, mülki şəxslər arasında heç bir itki yoxdur. Bu, Azərbaycanın mülki əhaliyə atəş açmadığının ermənilərin öz dili ilə təsdiq olunması deməkdir.
Zəngəzur bölgəsindəki xəstəxanalarda səhər saat 10:00-dan etibarən qanvermə prosesi aparılır. İrəvanda isə ölən hərbçilərin ailələri parlament və hökumət binası önünə toplaşıb.
“Yerkrapah könüllülər birliyi”nin sədri Sasun Mikayelyan bildirir ki, dünən gecə saat 01:00-da onun əmri ilə könüllü batalyonlar yaradılıb və müəyyən olunmuş yerlərə göndərilib. Bu proses davam edir.
Bu informasiyalar erməni ordusundakı vəziyyəti və itkilərinin miqyasını təsəvvür etməyə imkan verir”.
Şayəstə
