1991-ci il noyabrın 20-si – ermənilərin Azərbaycan vertolyotunu vurduğu gün (VİDEO)

Bu gün – noyabrın 20-si Azərbaycan siyasi xadimlərinin uçduğu vertolyotun ermənilər tərəfindən vurulmasından 23 il ötür.
1991-ci il noyabrın 20-də Daxili İşlər naziri Məhəmməd Əsədov, Dövlət katibi Tofiq İsmayılov, Baş prokuror İsmət Qayıbov kimi Azərbaycan rəhbərliyinin çox önəmli simalarının uçduğu helikopter Qarakənd səmasında vurulub. Maraqlı məqam burasındadır ki, vurulan vertolyotdakı həlak olan şəxslər arasında Azərbaycan liderləri ilə yanaşı, milliyətcə rus və qazax olan şəxslərin də adları yer alır. Bunların sırasına Qazaxıstan Daxili İşlər nazirinin müavini Sanlal Dasumoviç Serikov, Dağlıq Qarabağın prokuroru İqor Aleksandiroviç Plavski, milis general-mayoru Mixail Dmitriyeviç Lukaşov, polkovnik-leytenant Oleq Nikoloyeviç Koçerev və digərləri aiddir. Helikopter qəzasında məşhur jurnalist Alı Mustafayev, Prezident Aparatının şöbə müdiri Osman Mirzəyev də həyatlarını itiriblər…