“Baxın, görün ki, həşəmətli BNA mənim şikayətimə nə cavab verib? Yol nişanı olmaya-olmaya mənə cərimə yazıblar, guya naməlum adamlar o nişanı ləğv ediblər….izah etməyə, məhkəməyə verməyə adamın səbri çatmır, ona görə ki, vətəndaş olaraq hüququmu bərpa etməyə daha çox pul, vaxt xərcləməli olacam….”.
Elchi.az xəbər verir ki, bu barədə iqtisaçı Nazim Bəydəmirli FB hesabında bildirib:
“Şəkildən də aydın görünür ki, kütləvi parklanma var və məktubda da deyilir ki, nişan yox imiş. O zaman “danabaş”-lar niyə mənə cərimə yazdığını da izah etsinlər, verəsən məhkəməyə, həmin tarixdə, eyni vəziyyətdə eyni sırada neçə maşın cərimələndiyini də araşdırasan.
Bu qurum da daxil olmaqla son illər yaradılmış əksər agentliklər, xidmətlər “Antiinhisar fəaliyyəti haqqında” AR qanununa və Konstitusiyaya ziddir…kimdir Konstitusiya sayan, hansısa qohuma, dosta, qudaya vəzifə lazımdırsa ortalığa bir prezident fərmanı çıxarılır və gözdən düşmüş nazirə görə nazirliklər “parçalanır, bölüşdürülür, gözdən salınır”…
Bu BNA da elə süni yaradılmış bir qurumdur və məntiqlə ləğv olunmalıdır….
Hüquqi dövlət deyil də, münasibətlər sistemi olanda “qoltuğunda papka gəzdirib cərimə yazanlar” çoxalır, özü də dövlətin adından kommersiya obyekti kimi işlədilərək…”.
Yeganə
