Çinli tədqiqatçılar müəyyən ediblər ki, 3D printerdə yaratdıqları sinir strukturları sinir hüceyrələrinin köməyi ilə zədələnmiş toxumaları bərpa etmək üçün istifadə edilə bilər.
Elchi.az xəbər verir ki, Çin Elmlər Akademiyasının tədqiqatçıları toxuma bərpa prosesini yaxşılaşdırmaq üçün sinir kök hüceyrələrindən və qeyri-üzvi materiallardan istifadə edərək 3D printer vasitəsilə təxminən 1 santimetr hündürlüyündə implant yaradıblar.
Alimlər müalicənin müvəffəqiyyət nisbətini və neyron şəbəkəsindəki budaqları artırmaq üçün implant hidrogelə litium, kalsium və silikon ionları əlavə edərək, hidrogelin bədən istiliyində əridiyini, biomaterialları və sinir kök hüceyrələrini geridə qoyduğunu qeyd etdilər.
Tədqiqatçılar implantı onurğa beyninin zədələnməsi nəticəsində iflic olmuş siçanlar üzərində sınaqdan keçirdikləri zaman siçanlar sinir hüceyrələrinin köməyi ilə onurğa beynindəki zədə boşluğunu azaltdığını və 8 həftə ərzində arxa ayaqlarının hərəkətini bərpa etdiyini müşahidə ediblər.
Tədqiqatçılar kəllə sümüyünün zədələnməsi və əzələ yırtığı olan siçanları da araşdıraraq implant sayəsində sümük və əzələ bərpasının sürətləndirildiyini müəyyən ediblər.
Alimlər qeyri-üzvi biomaterialların və sinir kök hüceyrə əsaslı sinir strukturlarının toxuma təmiri işlərinə yeni bir perspektiv gətirəcəyini bildirdilər.
Araşdırmanın nəticələri “National Science Review” jurnalında dərc olunub.
Şayəstə Hüseynova
