Qaxda 50 yaşlı kişi ağacdan yıxılıb.
Qax Mərkəzi Rayon Xəstəxanasından (MRX) APA-nın Şəki-Zaqatala bürosuna verilən məlumata görə, iyunun 13-də Qax şəhəri 28 May küçəsi ev 7 ünvanında yaşayan 1967-ci il təvəllüdlü Abid İsrafil oğlu Ağayev müxtəlif dərəcəli bədən xəsarətləri ilə xəstəxanaya daxil olub. Məlum olub ki, Abid Ağayev gilas yığan zaman ağacdan yıxılıb.
Abid Ağayevə boyun və bel fəqərələrinin sınığı diaqnozu qoyulub. Abid Ağayevə lazımı ilkin tibbi yardım göstərildikdən sonra müayinə və müalicəsini davam etdirmək üçün Bakı şəhərindəki xəstəxanalardan birinə göndərilib.
