La Liqanın 34-cü turunda “Osasuna” ilə qarşılaşan “Barselona” rəqibini darmadağın edib – 7:1.
Elchişaz apasport.az-a istinadən xəbər verir ki, katalonlar bununla da bu mövsüm Primeroda 101-ci qolunu vurmuş olub.
Luis Enrikenin komandası Avropa ölkələrinin çempionatları arasında 100 qol həddini keçən ilk kollektiv olub.
“Barselona”nın bumövsümkü 100-cü qoluna Xavier Maskerano imza atıb. O, 67-ci dəqiqədə penalti zərbəsi ilə rəqib qapıçını məyus edib.
Maraqlıdı ki, 7 ildir komandada çıxış edən argentinalı “Barsa” forması ilə ilk dəfə fərqlənib.
