Pakistanda anomal istidən ölənlərin sayı 800 nəfərə çatıb.
AzVision.az xəbər verir ki, ölənlərin çoxu Karaçi şəhərində qeydə alınıb – 744 nəfər. Bu şəhərdə kölgədə temperatur 45 dərəcədən yuxarıdır. Digər bölgələrdə isə 38 nəfərin istidən öldüyü məlumdur.
Eyni zamanda ölkədə elektrik enerijisinin kəsilməsi nəticəsində hava sərinlədicilərinin işləməməsi ölənlərin sayına təsir edib. Bundan əlavə ölkədə istidən ölənlərin meyitlərini saxlamaq üçün morqlarda yer qalmadığı da deyilir.
Qeyd edək ki, istilərə görə Pakistanın baş naziri Navaz Şərif xüsusi tədbirlərin görülməsi ilə bağlı müraciət edib. Pakistan ordusu günvurma halları ilə bağlı hadisələrə nəzarət etmək üçün mərkəzlər qurub.
