“Bakı” futbol klubunun prezidenti, “Hafka” ləqəbli iş adamı Hafiz Məmmədovun biznesinin iflasa uğraması barədə yayılan xəbərlər onun yaxınlarını deyəsən, qətiyyən narahat etmir.
“Bakı”nın futbolçuları 8 aydır məvacib ala bilməsələr də bir müddət əvvəl Hafiz Məmmədovun oğlu bahalı maşınlardan ibarət sərgi açmışdı. Bu hələ harasıdır, “Hafka””ın oğlu Kənan Məmmmədov elə bir addım atıb ki…
Kənan Məmmədov qazandığı çempionluqlara görə “Bakı”ya verilən medalı sevimli itinin boynundan asaraq instargam səhifəsində paylaşıb. Ola bilsin ki, Kənan Məmmədov bununla atasının düşməni olan AFFA rəhbərliyini təhqir etmək niyyəti güdüb. Medalda isə Azərbaycanın atributları – gerbi, bayrağı öz əksini tapıb.
Görünür, “Hafka”nın oğlu o qədər qəzəbli olub ki, ya bunun fərqinə varmayıb, ya da vecinə almayıb.
Onu da qeyd edək ki, Xorvatiya vətəndaşı olan Kənan Məmmədov bu ölkənin Azərbaycandakı fəxri konsuludur (publika.az).
