“Azərbaycan-Türkiyə əlaqələri bütün sahələrdə inkişaf edib. İki ölkə arasında 213-dən çox sənəd imzalanıb. Arzu edirik ki, bundan sonra da əlaqələrimiz daha da inkişaf edəcək”.
“Report”un xəbərinə görə, bunu Azərbaycan Milli Məclisinin sədri Oqtay Əsədov Türkiyənin Baş naziri Binəli Yıldırımla görüşü zamanı deyib.
Azərbaycan parlamentinin sədri qeyd edib ki, türk dünyası inkişaf edəndə, bir çoxları bundan narahat olurlar: “Əslində inkişafa sevinmək lazımdır. Amma onlar hələ çox narahat olacaqlar. Türk dünyasının inkişafı üçün bütün imkanlar var”.
