Ağ Ev amerikalı hərbçilərin tez bir zamanda Suriyanı tərk edəcəyini bəyan edib.
Elchi.az Trend-ə istinadən xəbər verir ki, ABŞ koalisiya qüvvələrinin Suriyada hərbi və iqtisadi öhdəlikləri öz üzərinə götürməsini gözləyir.
Ağ Evin mətbuat katibi Sara Sanders deyib ki, ABŞ Prezidenti Donald Tramp da hərbçilərin tezliklə qayıtmasını istəyir:
“Bununla belə, bölgədə terror qruplaşmalarının məhvi ən önəmli məsələ hesab edilir”.
Xatırladaq ki, aprelin 14-də Böyük Britaniya, ABŞ və Fransa Suriyaya 100-dən artıq raket zərbəsi endirib. Raketlərin əksəriyyəti Suriya tərəfindən dəf edilib.
