Azərbaycan Banklar Assosiasiyası (ABA) Azərbaycan banklarının insan resursları üzrə məlumat bazası yaradacaq.
Elchi.az Trend-ə istinadən xəbər verir ki, bunu Bakıda keçirilən “Human Capital Forum – 2018” tədbirində assosiasiyanın sədri Zakir Nuriyev deyib.
O qeyd edib ki, bu işə ABA yanında ekspert qrupu kömək edəcək:
“2017-ci ildə Azərbaycan Banklar Assosiasiyası ekspert qrupu ilə birlikdə bu sahədə araşdırma aparıb. Toplanmış informasiya bank sektorunun hər bir iştirakçısına təqdim olunub. Forum başa çatdıqdan sonra biz banklarda sorğu keçirmək və insan resursları üzrə məlumat bazası yaratmaq niyyətindəyik. Bu, həmin sahədə fəaliyyəti daha yaxşı əlaqələndirməyə imkan verəcək”.
Qeyd edək ki, Azərbaycanda 30 bank fəaliyyət göstərir. 2018-ci il martın 1-nə banklarda 16 331 nəfər çalışır.
