Rusiya prezidenti Vladimir Putin Xəzər dənizinin hüquqi statusu haqda konvensiyanın tezliklə imzalanacağını
bəyan edib. musavat.com-un Rusiya KİV-ə istinadən verdiyi xəbərə görə, Kreml başçısı 5 xəzəryanı dövlətin bugünkü, 4-cü sammitinin əsas nəticələrindən biri kimi konvensiyanın hazırlanmasında ciddi irəliləyişin olmasını qeyd edib.
Bununla belə, Putin sənəddə bir neçə razılaşdırılmamış bəndin qaldığını, onların həllinin də müvafiq ekspertlərə tapşırıldığını bildirib. “Beləcə, konvensiyanın imzalanması 18 illik işin yekunu kimi tarixə düşəcək” – əlavə edib Putin.
Qeyd edək ki, az öncə Azərbaycan prezidenti çıxış edərək bildirib ki, Xəzərdə hərbi fəaliyyət bütün ölkələrin təhlükəsizliyinin təmin edilməsi prinsipinin gözlənilməsi şərti ilə reallaşa bilər.
