İranın çərəz ixracı ötən illə müqayisədə bu il xeyli azalıb.
Elchi.az Trend-ə istinadən bildirir ki, bunu İranın Çərəz İstehsalçıları və Satıcıları Assosiasiyasının rəhbəri Əlirza Ərzani Məməqani Gənc Jurnalistlər Klubuna (YJC) deyib.
Ə.Məməqaninin sözlərinə görə, ölkədə çərəz məhsullarının istehsalı ötən 25 ildə analoqu olmayan şəkildə azalıb. Mütəxəssis bildirib ki, bu da ixraca öz təsirini göstərib: “Bununla belə İran dünyada çərəz istehsalında birinci yeri tutur”.
Novruz bayramı öncəsi İran bazarlarında çərəzlərin qiyməti aşağıdakı kimidir:
| Məhsul (1 kq) | Qiymət (rialla) (dollarla) |
| Əncir qurusu | 580 min (13,8) |
| Badam (qabıqlı) | 230 min (5,47) |
| Püstə (1-ci dərəcəli) | 1,8 milyon (42,8) |
| Tut qurusu | 450 min (10,7) |
| İydə | 440 min (10,4 |
| Kişmiş | 300 min (7,14) |
| Qoz ləpəsi | 820 min (19,5) |
| Duzlu fındıq ləpəsi | 1,55 milyon (36,9) |
| Kokos (pudrası) | 240 min (5,71) |
| Hind badamı | 1,67 milyon (39,7) |
| Günəbaxan tumu | 280 min (6,66) |
| Noxud | 190 min (4,52) |
| Küncüd | 330 min (7,85) |
| Balqabaq tumu | 510 min (12,1) |
| Şaftalı qurusu | 185 min (4,04) |
Qeyd edək ki, İranda 1 kq 1-ci dərəcəli püstənin qiyməti 600 min rial (14,2 dollar) civarında idi.
