Ukraynalı komik və şoumen Vladimir Zelenski prezident seçkilərinin əsas favoritinə çevrilib.
Elchi.az modern.az-a istinadən xəbər verir ki, bu barədə “Qabaqcıl hüquqi təşəbbüslər” ictimai təşkilatının keçirdiyi rəy sorğusundan aydın olub.
Onun namizədliyinə 34,04% seçici səs verməyə hazırdır. Bu isə hazırki prezident Pyotr Poroşenkoya göstəriləcək dəstəkdən 2 dəfə çoxdur.
Poroşenko yalnız 14,22% seçicinin dəstəyini qazanıb. Üçüncü pillədə yerləşən “Batkovşina” partiyasının sədri Yuliya Timoşenko isə yalnız 12,9%-lik ictimai dəstəyə malikdir.
Sorğu Krım, Donetsk və Luqansk istisna olmaqla, bütün Ukrayna ərazisində 164 min respondent arasında keçirilib.
Xatırladaq ki, Vladimir Zelenski keçmiş “KVN”çi və “Kvartal 95” şirkətinin sahibidir.
