“National Geographic” Rusya jurnalı Azərbaycan yeməklərini erməni yeməkləri kimi təqdim edən məqalə ilə çıxış edib.
Moderator.az erməni mətbuatına istinadən xəbər verir ki, “dolma”, “xaş” kimi yeməklərin ermənilərə məxsus olduğunu bildirilən məqalədə bu yeməklərin ermənilər tərəfindən “sevgi və xəyal gücü ilə” bişirildiyini, bu səbəbdən də hədsiz dadlı olduğunu bildirib. Məqalədə yeməklərin nədən necə hazırlanması haqqında da qısa məlumat verilib.
Yeməklərin adlarını oxuculara elə Azəbaycan dilində təqdim edən məqalədə “ermənilərə məxsus” yeməklərin adının niyə Azərbaycan dilində olması məsələsinə isə aydınlıq gətirlməyib.
Daha bir neçə yeməyin adını çəkilən məqalədə oxuculara məsləhət görülür ki, bu yeməklərin ləziz dadını hiss etmələri üçün onların Ermənistanın istənilən yerində qarşılarına çıxan ilk restoranda nahar etmələri yetərlidir.
Xatırladaq ki, ermənilər bundan öncə də dəfələrlə Azərbaycan yeməklərini öz adlarına çıxan məqalələrələ çıxış edib. Lakin bu dəfə eyni dəsti-xəttin rus jurnalında özünü hiss etdirməsi bu yalana digər qüvvələrin də ortaq olduğunu göstərir.
