İşğalçı ölkənin ilk prezidenti Levon Ter-Petrosyan Azərbaycanın işğal altındakı torpaqlarında qondarılmış separatçı-terrorçu rejimin Şuşanın işğal edilməsinin 27-ci ildönümü ilə bağlı mayın 9-da təşkil etdiyi tədbirlərə dəvət almayıb.
Moderator.az xəbər verir ki, Ermənistan mətbuatı bu haqda L.Petrosyanın lideri olduğu Ermənistan Milli Konqresinin mətbuat katibi Arman Musinyana istinadla məlumat yayıb.
Xatırladaq ki, dünən mayın 7-də Ermənistanın 3-cü terrorçu prezidenti Serjik Sərkisyanın artıq Qarabağa yola düşməsi haqda xəbərlər yayılıb. Ancaq onun Şuşanın işğalı ilə bağlı “rəsmi” tədbirlərə qatılıb-qatılmayacağı dəqiq məlum deyil.
Mayın 7-də Xankəndindəki qondarma rejimin hazırkı başçısı Bako Saakyan və keçmiş rəhbəri Arkadi Qukasyan Ermənistanın ikinci terrorçu prezidenti Robert Köçəryanın Şuşanın işğalı ilə bağlı tədbirlərdə iştirakınıın vacibliyini vurğulayaraq Ermənistan baş prokuroruna onun barəsində həbs qətimkan tədbirinin ləğv edilməsi barədə müraciət ünvanlayıb. Lakin prokurorluqdan məsələnin bu qurumun səlahiyyətində olmadığı haqda cavab gəlib. 1 mart hadisələrindэ günahlandırılaraq həbs edilmiş keçmiş baş nazir müavini Armen Gevorkyanı isə məhkəmə mayın 7-də azadlığa buraxaraq Qarabağa yollanmasına icazə verib.
Baş nazir Nikol Paşinyanın sabah- mayın 9-da Azərbaycanın işğal altındakı torpaqlarına gələcəyini rəsmi mənbələr təsdiqləyib.
Texasda daşqın: 1 uşaq öldü
ABŞ-ın Texas ştatında yağan yağış və tufan daşqınlara səbəb olub. Elchi.az xəbər verir ki, Johnson County Fövqəladə Hallar İdarəsindən verilən...
