Pentaqon İranın öz nüvə işləmələrini sürətləndirəcəyi və ya Amerika hərbçilərinə hücum edəcəyi təqdirdə Yaxın Şərqə 120 min əsgər göndərməklə bağlı plan hazırlayıb.
“Report” xəbər verir ki, bu barədə adı açıqlanmayan məmurlara istinadən “The New York Times” yazıb.
Bildirilir ki, əsgərlərin göndərilməsi planını Amerika prezidenti Donald Tramp və əsas köməkçilərinin görüşü zamanı ABŞ-ın müdafiə naziri vəzifələrini icra edən Patrik Şanaxan təqdim edib.
Nəşrin məlumatına görə, plan ABŞ prezidentinin milli təhlükəsizlik üzrə müşaviri Con Boltonun xahişi ilə tərtib olunub.
Qeyd edilir ki, plan İrana qurudan müdaxiləni nəzərdə tutmur.
