İran nüvə silahına sahiblənmək üçün cəhd göstərmir.
Trend-in məlumatına görə, bu barədə İranın xarici işlər naziri Məhəmməd Cavad Zərif öz “Twitter” səhifəsində yazıb.
C.Zərif bildirib: “Ayətullah Əli Xamenei nüvə silahını qadağan edən fərman imzalayaraq uzun zaman əvvəl bildirib ki, İran nüvə silahı ilə maraqlanmır”.
Nazir qeyd edib ki, “iqtisadi terrorçuluq” İran xalqına zərər verir və regionda gərginliyə səbəb olur.
C.Zərif əlavə edib ki, ABŞ prezidenti Donald Trampın niyyətlərini sözləri ilə deyil, hərəkətləri ilə dəyərləndirmək lazımdır.
