“Ebola” virusundan ölənlərin sayı 4493-ə çatıb, xəstəliyə 8997 nəfər yoluxub.
APA-nın “Gazeta.ru”-ya istinadən verdiyi xəbərə görə, bu barədə Ümumdünya Səhiyyə Təşkilatının (ÜST) məlumatında deyilir.
Bundan əvvəl ABŞ prezidenti Barak Obamanın oktyabrın 15-də “Ebola” epidemiyası ilə əlaqədar Böyük Britaniya, Fransa, İtaliya və Almaniyanın rəhbərləri ilə video konfrans keçirəcəyi bildirilmişdi.
Qeyd edək ki, epidemiya ilə ən təhlükəli vəziyyət Qərbi Afrikada – Syerra-Leone, Liberiya və Qvineyada yaranıb.
