Hazırda VI çağırış Milli Məclisin 120 üzvü var.
“Report” xəbər verir ki, bu ilin fevralın 9-da keçirilən növbədənkənar parlament seçkilərinin nəticələrinə əsasən, 125 seçki dairəsinin 121-dən qanunverici orqana deputat seçilib.
33 saylı Xətai birinci, 35 saylı Xətai üçüncü, 74 saylı Lənkəran kənd və 80 saylı İmişli-Beyləqan seçki dairəsinin nəticələri isə etibarsız sayılıb. Qanunvericiliyə əsasın, bu dairələr üzrə təkrar seçki keçirilməlidir.
Bu gün Azərbaycan Ağsaqqallar Şurasının sədri, deputat, parlamentin Hesablayıcı komissiyasının sədr Fəttah Heydərovun dünyasını dəyişməsindən sonra parlament üzvlərinin sayı 120 nəfərə enib.
Qeyd edək ki, F.Heydərov 116 saylı Qəbələ seçki dairəsindən deputat seçilmişdi.
