“Ermənistan hələ də ciddi təhdidlərlə üzləşir. Azərbaycanlılar Xankəndinə heç bir problem olmadan daxil olurlar”.
Elchi.az xəbər verir ki, bu barədə beynəlxalq münasibətlər üzrə ekspert Suren Sarkisyan özünün “Facebook” səhifəsində yazıb.“Hələ də ciddi təhdidlərlə qarşılaşırıq. Azərbaycanlılar Xankəndi şəhərinə problemsiz nüfuz edirlər. Dövlət orqanları iflic vəziyyətindədir. Xarici siyasət və diplomatiya tamamilə iflasa uğradı. Ordu vurulan fiziki, mənəvi və psixoloji zərbədən qurtulmalıdır. İqtisadiyyat mövcud deyil. Koronavirus Ermənistanda hakimiyyətdən daha güclüdür. Dövlət idarəçiliyi mövcud deyil. Xalq arasında bir depressiya var – görünməmiş miqrasiya perspektivi ilə…”, – deyə erməni ekspert bildirib.
S. Sarkisyan ölkədə total anarxiyanın olduğunu da vurğulayıb: “Ona görə də bacarıqsız, zəif, uğursuz və məğlub hakimiyyət getməlidir”.
