Üçtərəfli razılaşmalara əsasən, kommunikasiyalar açılmalı, sərhədin delimitasiya prosesinə başlanılmalı, sülh sazişi istiqamətində addımlar atılmalıdır. Son zaman baş verənlər isə bu razılaşmaların reallaşmasının qarşısını almağa yönəlib.
Bu sözləri Axar.az-a “Cənubi Qafqaz” politoloqlar klubunun rəhbəri İlqar Vəlizadə deyib.
Onun sözlərinə görə, İrəvan nizamlama prosesindən və öhdəliklərindən yayınmaq üçün destruktiv addımlar atır:
“Arşak Karapetyanın 7 noyabrda Qarabağa səfəri bütün bu provokasiyaların başlanğıcı oldu. Təxribatlarla nəsə edəcəyini düşünən Ermənistan yenə uğursuzluqla üzləşdi və bundan dolayı Paşinyan Arşak Karapetyanı işdən azad etdi”.
Politoloq qeyd edib ki, Suren Papikyanın müdafiə naziri təyin edilməsi Ermənistanın düşdüyü vəziyyətdən çıxış yolu deyil:
“Ermənistan elitasında, xüsusilə hərbi komandanlıq içərisində ciddi fikir ayrılıqları və narazılıqlar var. Bu isə Ermənistanın provokasiyalarını artırmaqla yanaşı, konstruktiv danışıqlar üçün imkan yaratmır”.
