Böyük Britaniya Baş naziri Boris Conson polis forması geyinərək narkotik polisləri ilə birgə reydə çıxıb.
Elchi.az xəbər verir ki, reyd Liverpul şəhərində keçirilib.
Conson orta statistik göstəricilərə görə cinayətlərin 300 minə qədərinin narkotik istifadəçiləri tərəfindən törədildiyini vurğulayıb.
O, eyni zamanda problemdən çıxış yolunu həbslərdə yox, reabilitasiya fəaliyyətlərinin daha da genişləndirilməsində gördüyünü bildirib.
Qeyd edək ki, Britaniya hökuməti narkomaniyaya qarşı mübarizə aparmaq üçün dövlət büdcəsindən 780 milyon funt sterlinq vəsait ayırıb.
