Qazaxıstanın eks-prezidenti Nazarbayevin Azərbaycanın Avrasiya İqtisadi İttifaqına üzvlülük təklifinə praktik əhəmiyyəti olmayan bəyanat kontekstində baxmaq lazımdır.
Elchi.az xəbər verir ki, bu sözləri ukraynalı ekspert, “Doktrina” siyasi araşdırmalar mərkəzinin təhlükəsizlik departamentinin rəhbəri Qleb Parfenov deyib.
“Hətta Qazaxıstanda da Aİİ-nin fayda verəcək təşkilat olmadığını yaxşı bilirlər. Vaxtilə Ukraynanı da Aİİ-yə və Gömrük İttifaqına çağırmışdılar. Bütün bunlar nə ilə bitdi? Müharibə başladı”.
Ekspert Nazarbayevin təklifinə rəsmi Bakının ehtimal olunan reaksiyasını da səsləndirib:
“Bakı bu məsələdə neytrallığa riayət edəcək və sınanmış müttəfiqləri ilə işləyəcək. Axı məhz bu yanaşma Azərbaycanın uğurunun rəhni kimi təkcə müharibədə qələbə qazanmasında deyil, həm də iqtisadi-siyasi əlaqələrin qurulmasında özünü göstərib”.
