2075-ci ildə İslamın ən geniş yayılmış din olacağı gözlənilir.
Elchi.az xəbər verir ki, bu barədə “İslam Channel”in rəsmi Tvitter səhifəsində paylaşım edilib.
Bildirilib ki, ABŞ-ın “Pyu” Araşdırmalar Mərkəzinin tədqiqatlarına görə, 2075-ci ildə müsəlmanlar dünya əhalisinin 34,9%-ni, xristianlar isə 33,8%ni təşkil edəcək.
2050-ci ilə qədər hazırkı dünya əhalisinin artım tempi olduğu kimi qalarsa, o zaman müsəlmanların sayı xristianların sayı ilə bərabər olacaq.
2060-cı ilə qədər müsəlmanlar dünya əhalisinin sayından 2 dəfə çox sürətlə artacaq. Bu artım bir müsəlman qadına düşən uşaq sayı ilə əlaqələndirilib. Belə ki, 1 müsəlman qadına 2,9 uşaq, digər din qruplarına isə 2,2 uşaq düşür.
