Ermənistan polisi paytaxt İrəvanın mərkəzində İran vətəndaşına hücum edən şəxsləri saxlayıb.
Elchi.az xəbər verir ki, bu barədə Ermənistan mətbuatı məlumat yayıb.
Hadisə 35 və 37 yaşlı Ermənistan vətəndaşları tərəfindən törədilib.
Qeyd edək ki, hadisə Parpetsi küçəsində baş verib. Ermənilər küçədəki restoranın yaxınlığında İran vətəndaşını bıçaqla hədələyərək döyüblər, bundan sonra isə mobil telefonunu və içində 650 ABŞ dollar olan çantasını alıblar.
Faktla bağlı Ermənistan Cinayət Məcəlləsinin quldurluq maddəsi ilə cinayət işi başlanıb.
