Amerika Milli Kosmik Agentliyinin (NASA) kosmosa göndərdiyi raket yerli vaxtla səhər saat 06:22-də (Bakı vaxtıyla 14:22) havaya qalxdıqdan bir neçə saniyə sonra partlayıb.
NASA-nın Vircinia əyalətinin Uollops (Wallops) adasındakı stansiyasından havaya qalxan raket beynəlxalq kosmik stansiyaya ərzaq və texniki vasitələr aparırdı.
Pilotsuz idarə olunan “Antares” adlı raketin partlayış səbəbi hələlik bilinmir.
Raketə bağlı modulun 4 gün sonra beynəlxalq kosmik stansiyaya çatması və 40 gün sonra stansiyada olan tullantıları götürüb qayıtması planlaşdırılsa da bu, mümkün olmadı.
NASA-nın yükdaşınmaları üçün özəl bir şirkətlə müqavilə bağladığı, partlayan raketin də podratçı firmaya məxsus olduğu bildirilir.
ANS
