Yaşar Kələntərli: “Yaxın gələcəkdə 10 rayonda yeni yerli təşkilatlarımız qurulacaq”
“Uzun müddət idi ki, karantin şərtlərinə uyğun olaraq partiyanın yerli təşkilatları və yeni qurulacaq rayon təşkilatları ilə bağlı yalnız telefonla əlaqə saxlayırdıq. Yeni təşkilatların formalaşması və bəzi rayon təşkilatlarının konfranslarının keçirilməsi istiqamətində Bütov Azərbaycan Xalq Cəbhəsi Partiyasının təşkilat katibliyi ilə birlikdə yerli şöbələrlə əlaqə saxlanılıb, onlara lazım olan normartiv sənədlərin hazırlanması istiqamətində tapşırıqlar verilib”. Bunu “Xalq Cəbhəsi”nə açıqlamasında Bütöv Azərbaycan Xalq Cəbhəsi Partiyasının (BAXCP) baş katibi Yaşar Kələntərli deyib.
Yaşar Kələntərli bildirib ki, dekabrın 25-də Şirvan şəhərində və Zərdab rayonunda konfras səlahiyyətli ümumi yığıncaqlar keçirilib: “Mövcud karantin şərtlərinə uyğun şəkildə konfrans səlahiyyətli ümumi yığıncaqlarımız baş tutub. Şirvan şəhər təşkilatının formalaşması ilə bağlı hələ 2021-ci il fevralın 22-də bizim 7 nəfərdən ibarət təşkilat komitəsi formalaşıb. Amma mövcud durumla bağlı BAXCP rəhbərliyinin yerlərə səfərləri təxirə salınmışdı. Hazırda karantin şərtləri nisbətən yüngülləşdiyinə görə, bunu 2021-ci il dekabrın 25-də reallaşdırdıq. Mən, təşklat məsələləri üzrə katib Niyaməddin Orduxanlı, Dünya azərbaycanlıları və türk dünyası ilə əlaqələr üzrə katibi Əli Həziquliyev və partiyanın maliyyə şöbəsinin müdiri İlqar Məmmədxanlı Şirvan şəhərinə səfər etdik. Şirvan şöbəsində nizamnamənin və rayon təşkilatlarının formalaşması ilə bağlı əsasnamınin şərtlərinə uyğun olaraq normativ sənədlər yenidən yoxlanıldı və konfrans səlahiyyətli ümumi yığıncaq baş tutdu. Şirvan şəhər təşkilatının sədri müəllim Vaqif Astanov, ali məclis üzvü müəllim Mirməhəmməd Əliyev və 3 nəfərdən ibarət nəzarət təftiş komissiyasına üzv seçildi. Çox sevindirici haldır ki, təşkilat üzvlərinin əksəriyyəti müəllimlərdir”.
Y.Kələntərli əlavə etdi ki, tam qaydasında olan konrans sənədləri protokollaşdırıldı: “Günün ikinci yarısı isə biz Zərdab rayonuna getdik. Orada bizim yerli təşkilatımız var idi. Sadəcə keçmiş sədr Rasim Kərimov bir neçə ay öncə dünyasını dəyişmişdi. Ona görə də yerli şöbədə konfrans səlahiyyətli ümumi yığıncağın keçirilməsi vacib idi ki, təşkilat fəaliyyətini davam etdirsin. Biz, bunu yerli şöbənin ümumi yığıncağının üzvləri ilə razılaşdırdıq, konfransımız baş tutdu. Burada da rayon təşkilatına Ceyhun Səfərov sədr, Allahverdi Səfərov ali məclis üzvü, həmçinin 3 nəfərədn ibarət nəzarət təftiş komissiyasının üzvləri seçildi. Burada da bütün üzvlərin sənədləri, anket göstəriciləri bizə təqdim olundu. Beləliklə də hər iki rayon təşkilatımızda konfrans səlahiyyətli ümumi yığıncağımızı keçirdik”.
Y.Kələntərli həmçinin əlavə etdi ki, bu proses davam edir: “Bizim 60-dan çox yerli şöbələrimiz var. Yaxın gələcəkdə 10 rayonda yeni yerli təşkilatlarımız qurulacaq. Bununla bağlı mətbuata əlavə açıqlamalar verəcəyik”.
