Türkiyənin bölgədə mövcudluğu gücümüzə güc qatır.
Elchi.az xəbər verir ki, bunu Azərbaycan xarici işlər nazirinin müavini Xələf Xələfov deyib.
Nazir müavini bildirib ki, Türkiyə 44 günlük Vətən müharibəsində Azərbaycana qardaşlıq dəstəyi göstərib, hər zaman yanımızda olub:
“Azərbaycan bunu heç vaxt unutmayacaq. Vətən müharibəsində qazanılan şanlı Zəfər təkcə Azərbaycanın yox, bütün türk dünyasının qələbəsidir. Müharibədən sonra regionda yeni reallıqlar yaranıb və bölgədə Türkiyənin mövcudluğu gücümüzə güc qatır. Tarixi “Şuşa Bəyannaməsi”nin imzalanması müttəfiqliyimizi daha yüksək səviyyəyə qaldırıb”.
