“Ukraynada yaranmış vəziyyətlə əlaqədar azərbaycanlıların ölkəmizə təxliyəsi gündəmə gəlib. İlk 24 saat ərzində vətəndaşlarımızın yalnız quru yolundan istifadə edərək həmsərhəd dövlətlərə keçidi mümkün idi”.
Elchi.az xəbər verir ki, bunu Xarici İşlər Nazirliyinin (XİN) Mətbuat xidməti idarəsinin rəisi Leyla Abdullayeva deyib.
O qeyd edib ki, ilk saatlardan başlayaraq həmsərhəd ölkələrlə danışıqlar aparılıb: “Vətəndaşlarımız Moldova, Polşa, Slovakiya, Rumıniya və Macarıstan istiqamətindən keçərək Ukraynanı tərk edə bilər. Viza rejimi ləğv edilib. Bu günə kimi 4000-ə qədər azərbaycanlı sərhədi keçib. İndiki vəziyyətdə hərbi əməliyyatların davam etdiyi ərazilərdən azərbaycanlıların təxliyəsi vacib məsələdir. Dünən artıq Xarkovdan azərbaycanlılar qatarla çıxarılıb, 800-dən çox azərbaycanlı Xarkovdan Moldova istiqamətində yola düşüb”.
