“Everton” Rusiya şirkətləri ilə əməkdaşlığa son qoyub.
Premyer Liqa təmsilçisi USM, “Megafon” və “Yota” ilə müqaviləyə xitam verdiyini açıqlayıb.
Liverpul təmsilçisi buna səbəb kimi Rusiya qoşunlarının Ukraynada hərbi əməliyyatlar aparmasını göstərib: “Klubda hər kəs Ukraynada baş verən dəhşətli hadisələrdən şokdadır və kədərlidir. Adıçəkilən şirkətlərlə bütün kommersiya sponsorluq razılaşmalarının dayandırılması qərara alınıb”.
Qeyd edək ki, daha əvvəl UEFA və “Şalke” Rusiyanın “Qazprom” şirkəti ilə əməkdaşlığı ləğv edib.
