“Rusiya öz siyasətini “deeskalasiya naminə eskalasiya” prinsipi əsasında qurmur. Nüvə müharibəsinin mümkünlüyündən NATO ölkələri və Ukrayna danışır”.
Elchi.az-ın xəbərinə görə, bunu Rusiyanın xarici işlər naziri Sergey Lavrov yerli və xarici mediaya müsahibəsində bildirib
Onun sözlərinə görə, Rusiyanın nüvə silahından istifadə şərtləri hərbi doktrinada təsvir olunub.
“Qərb analitiklərinin bizə irad tutmağa çalışdıqları kimi bizim doktrinada heç bir eskalasiya naminə eskalasiya yoxdur. Amma hazırda nüvə müharibəsi ilə bağlı söhbət gedir. Mən sizdən verilən bəyanatlara və onun kimlər tərəfindən verilməsinə diqqətlə baxmağınızı xahiş edirəm. Əvvəlcə belə bəyanatları NATO-nun Baş katibi Yens Stoltenberq verib, sonra Vladimir Zelenski”, – nazir bildirib.
