“Ölkəyə zubrlar 3 il bundan öncə gətirilib. İlk olaraq 8, daha sonra 4 zubr Azərbaycana gətirilmişdi”.
Elchi.az xəbər verir ki, bunu Ümumdünya Vəhşi Təbiət Fondunun Azərbaycan nümayəndəliyinin rəhbəri Elşad Əsgərov deyib.
O bildirib ki, heyvanların əraziyə uyğunlaşma prosesi keçən zaman onların 5 balası doğulub, artıq zubrlar əraziyə uyğunlaşdığı üçün vəhşi təbiətə buraxılıb: “20 baş heyvan Şahdağ Milli Parkının ərazisinə buraxılıb. Yenə 9 baş zubr ölkəyə gətirilib. Onlar da iqlimləşmə dövrünü keçir”.
