2020/2021-ci tədris ilində Hökumətlərarası Təqaüd Proqramları çərçivəsində 200 nəfər Azərbaycan vətəndaşı dünyanın 6 müxtəlif ölkəsində 41 ali təhsil müəssisəsində təhsil almaq hüququ qazanıb.
Elchi.az xəbər verir ki, bu barədə Nazirlər Kabinetinin 2021-ci il hesabatında qeyd olunub.
Bu ölkələr sırasına Çin Xalq Respublikası, Macarıstan, Rumıniya, Rusiya Federasiyası, Latviya, Türkiyə daxildir. Azərbaycanın ali və orta ixtisas təhsili müəssisələrində dünyanın 101 ölkəsində 7.4 min nəfərə yaxın əcnəbi tələbə təhsil alır.
Tələbələr əsasən Türkiyə, İran, Gürcüstan Rusiya, İraq, Nigeriya, Suriya, Hindistan, Pakistan, Çin və digər ölkələri təmsil edir.
Əcnəbi tələbələrin sayında 10% artım olub.
