“Barselona”nın qollu oyunlar seriyası qırılıb.
Son 16 matçı qol vurmadan tərk etməyən İspaniya nəhəngi Avropa Liqasının 1/8 final mərhələsinin “Qalatasaray”la ev matçında fərqlənə bilməyib.
0:0 hesablı heç-heçə edən Xavinin yetirmələri sonuncu dəfə dekabrın 8-də qolsuz qalmışdı. Həmin vaxt La Liqa təmsilçisi Çempionlar Liqasının “Bavariya” ilə görüşündə darmadağına üzülmüşdü – 0:3. Sonrakı qarşılaşmalarda komanda 36 qol vurub.
Kataloniya klubunun məğlubiyyətsiz oyunlar seriyası isə 9-a çatıb. Sonuncu dəfə yanvarın 20-də “Atletik”ə 2:3 hesabı ilə uduzan barselonalılar bu müddətdə 6 qələbə qazanıb və 3 heç-heçə edib.
