İstanbul Boğazında tapılan minanın incələnməsi prosesi davam edir.
Elchi.az Hürriyət-ə istinadən xəbər verir ki, dənizdə hərək edən minanın köhnə rus minası olduğu müəyyən olunub.
Təhlükəsizlik məqsədilə gəmilərin hərəkəti üçün qapadılan İstanbul boğazının yerli vaxtla saat 15:30-dan etibarən hər iki istiqamətə hərəkət üçün açıq olduğu elan edilib.
Hazırda minanın helikoper və Sualtı Müdafiə Qrupları tərəfindən incələnməsi prosesi davam edir.
Türkiyə Müdafiə Nazirliyi İstanbul boğazındakı mina ilə bağlı Rusiya və Ukrayna tərəfi ilə danışıqlar aparıldığını bildirib.
***
14:28
İstanbul Boğazı gəmilərin hər iki istiqamətə hərəkəti üçün bağlanıb.
Elchi.az NTV-yə istinadən xəbər verir ki, Türkiyə Sahil Mühafizəsi Xidməti minaya bənzər obyektin zərərsizləşdirilməsi işləri ilə bağlı ərazidə gəmilərin hərəkətini dayandırıb.
***
Bu gün səhər saatlarında İstanbul Boğazında minaya bənzər obyekt aşkarlanıb.
Elchi.az-ın xəbərinə görə, bu barədə Türkiyə Milli Müdafiə Nazirliyi məlumat yayıb.
Hadisə yerinə dərhal Sualtı Müdafiə Qrupları (SAS) cəld edilib və onun zərərsizləşdirilməsi üçün xüsusi əməliyyat başlanılıb.
Qeyd edək ki, Ukraynanın Odessa limanın ətrafı minalanıb. Son günlər həmin minalardan bir neçəsinin güclü axıntılar səbəbindən Qara dənizdə sürükləndiyi və İstanbul boğazına da çata biləcəyi barədə xəbərdarlıqlar edilirdi.
