Ukrayna Müdafiə Nazirliyi Rusiyanın Belqorod vilayəti ərazisinə aviasiya zərbəsi endirilməsini təkzib edib.
Elchi.az xəbər verir ki, bu barədə Ukraynanın “Seqodnya” saytı məlumat yayıb.
“Biz şübhələnirik ki, Belqoroddakı neft bazasında partlayış Rusiya hərbçilərinin məsuliyyətsizliyi, yaxud korrupsiya faktını gizlətmək səbəbi ilə baş verib”, – Müdafiə Nazirliyidəki mənbə açıqlama verib.
Qeyd edək ki, Rusiya tərəfi Ukraynanın Belqorod şəhərində yerləşən neft anbarına raket zərbələri endirdiyini açıqlayıb. Nəticədə neft anbarındakı çənlərdə yanğın baş verdiyi bildirilib.
